Kompania amerikane Mattel prezantoi kukullën e parë të veshur me hixhab, në nder të kampiones olimpike amerikane Ibtihaj Muhammed, e cila në vitin 2016 u bë e para fituese që mbante një shami ndërkohë që konkurronte.
Kukulla, pjesë e koleksionit të “Sheroes”, është veshur me hixhab. Ajo do të jetë në shitje online nga 2018.
“Ne jemi kaq të entuziazmuar që gjetëm mundësinë të nderojmë Ibtihaj Muhammed me një kukull Barbie. Ibtihaj vazhdon të frymëzojë gratë dhe vajzat kudo për të thyer tabutë,” shkruan Mattel në një postim me një fotografi ku Muhammed mban një kukull.
Kompania Mattel u shpreh se Barbie është “frymëzim për vajzat që e papërfaqësuara në sport dhe kulturë.”
Ndërkohë, 31-vjeçarja Muhammed e përshkroi kukullën e krijuar në nder të saj si një “ëndërr që u bë realitet”.
Nuk është hera e parë që Mattel nderon një fitues Olimpik me një kukull. Në vitin 2016, kompania prodhoi një barbie të krijuar në nder të gjimnastit Gabby Douglas. (TIRANA TODAY)
