Seanca plenare që do të mbahet nesër në Parlamentin e Shqipërisë është me interes të madh për opinionin publik. Për më shumë së një javë e gjithë vëmendja e publikut është përqendruar te çështja e Saimir Tahirit. Kuvendi do të votojë për ta arrestuar ose jo Tahirin? Si gjithmonë për çdo çështje, politika shqiptare është e ndarë në dy kampe. Mazhoraca kërkon hetim por jo arrestim, ndërsa opozita kërkon arrestim dhe hetim të plotë. Por Tahiri ka edhe një mundësi nesër që të bindë deputetët që të hedhin poshtë kërkesën e prokurorisë për arrestimin e tij.
Çfarë ndodh në fillim të seancës plenare nesër?
Në seancë plenare fjala i jepet në fillim deputetit Saimir Tahiri, ndaj të cilit është paraqitur kërkesa e Prokurorisë së Krimeve të Rënda si të implikuar në trafikun ndërkombëtar të drogës me vëllezërit, Habilaj. Tahiri duhet të japë nesër shpjegime dhe të bëjë mbrojtje por gjithashtu është i obliguar për të dhënë shpjegime e për t’iu përgjigjur pyetjeve të deputetëve.
Kujdes! Dy raportet e Këshillit për Rregulloren, Mandatet dhe Imunitetin nuk është objekt i diskutimit të deputetëve. Ndaj nesër nuk mund të diskutohet për ato që janë shkruar në raport.
Por si do të votohet nesër në bazë të raporteve Këshillit për Rregulloren, Mandatet dhe Imunitetin?
- Sipas rregullores së kuvendit në nenin 118 (faqe 56, pika 4) të saj thuhet se “ Kuvendi vendos me votim të fshehtë nëse do të jepet ose do të rrëzohet dhënia e autorizimit për fillimin e ndjekjes penale ndaj deputetit”
- Sipas Kushtetutës së Republikës së Shqipërisë në nenin 73 (faqe 19) Kuvendi mund të diskutojë në seancë me dyer të mbyllura, për arsye të mbrojtjes së të dhënave. Vendimi merret me votim të hapur.
Në këtë rast, rregullorja e Kuvendit është në kundërshtim me Kushtetutën e Shqipërisë. Juristët thonë se Kushtetuta prevalon mbi të gjitha rregulloret. Pritet seanca e nesërme në të cilën të vendoset se si do të votojnë deputetët dhe se cili nga raportet e Këshillit për Rregulloren, Mandatet dhe Imunitetin do të marrë më shumë vota në Parlament.
Çfarë ka propozuar në Kuvend Këshilli për Rregulloren, Mandatet dhe Imunitetin (PS +PD)?
Pranë Kuvendit të Shqipërisë janë depozituar rekomandimet e shumicës parlamentare dhe të pakicës parlamentare për kërkesën e Prokurorisë pranë Gjykatës së Shkallës së Parë për Krime të Rënda, Tiranë, të depozituar në Kuvendin e Republikës së Shqipërisë me shkresën nr. 9906 datë 19.10.2017 për dhënien e autorizimit për arrestimin ose heqjen e lirisë të deputetit të Kuvendit të Shqipërisë z. Saimir Tahiri.
Raporti rekomandues i deputeteve të mazhorancës të cilët kërkojnë hetimin të plotë por jo arrestimin e deputetit Tahiri.
Raporti rekomandues i deputetëve të mazhorancës by Tirana Today on Scribd
Raporti rekomandues i deputeteve të Opozitës kërkon të pranohet kërkesa e prokurorisë për arrestimin e deputetit Saimir Tahiri.
Raporti rekomandues i deputetëve të opozitës by Tirana Today on Scribd
