Në kampionatin shqiptarë arbitrimi i ndeshjeve është kthyer në një nga problematikat kryesore, duke i akuzuar ata në çdo fund takimi për parregullsi dhe gabime tendecioze. Kjo ka bërë që disa nga tifozeritë e ekipeve të Superiores të bashkohen dhe të dërgojnë një letër të hapur drejtuar FIFA-s, UEFA-s dhe FSHF-s. Në këtë letër ata kërkojë ndërhyrjen e këtyre institucioneve për të vendosur persona përgjegjës në këtë drejtim dhe të merren masa ndaj arbitrave që kanë bërë padrejtësi në fushë. Janë plot pesë tifogrupe që janë bashkuar në këtë ide që është publikuar në faqen zyrtare të KF Lushnja duke cituar edhe ata të Partizanit, Vllaznisë, dhe Luftëtarit.
“Ne tifozët e stadiumeve shqiptare u drejtohemi klubeve tona përkatësisht; Partizanit, Flamurtarit, Lushnjes, Vllaznisë dhe Luftëtarit dhe presim solidaritetin e tifozëve të klubeve të tjera nëse ata e mendojnë të arsyeshme. Klubet tona si anëtare të Federatës me të drejta të barabarta kanë patur mundësinë të vënë në dukje se niveli i gjykimit nga arbitrat dhe organe të ndryshme vendimarrëse, ka qenë jo profesional mbi të gjitha dhe askush nuk i ka marrë parasysh këto ankesa.
Ne si tifozë kemi vendosur të bashkojmë forcat dhe të kërkojmë nga klubet tona të bëjnë të njëjtën gjë. Në faqet e klubeve t`i bëhet një kërkesë publike Federatës Shqiptare të Futbollit për herë të fundit dhe më pas nëse ajo nuk reagon t`i drejtohet një letër e hapur UEFA-s dhe FIFA-s për të ndërhyrë fillimisht në këtë pikë:
1-Largimin përfundimtar të këtyre personave të punësuar nga FSHF-ja, përgjegjës për arbitrimin dhe sipas mendimit tonë të dështuar totalisht në organizimin duke patur arbitrim poshtë nivelit të futbollit tonë i cili ka përparuar.
2- Të kërohet nga UEFA dhe FIFA analizë e personave të FIFA-s, të cilët kur arbitrojnë në Shqipëri përfaqësojnë dhe këto organe dhe i kanë denigruar jashtë mase ato me vendimarrjet e tyre. Të na ndihmojnë për të shpëtuar arbitrimin e vendit tonë nga një shkatërrim i sigurtë për këtë.
3- Të dërgohen katër drejtues të huaj nga UEFA dhe FIFA të paguhen nga klubet shqiptare për dy vjet. Këta persona të bëjnë punën e dizenjatorit dhe vlerësimit të arbitrave fillimisht të Superligës”-thuhet në deklaratën e tifozëve të pesë ekipeve të Superligës. Në përfundim të letrës së hapur drejtuar institucionit të futbollit shqiptar, europian dhe atij botëror, tifozët thonë se nëse nuk do të bëhet diçka e tillë, atëherë ata paralajmërojnë se do të kundërpërgjigjen me arrogancë duke dëmtuar ndeshjet, me qëllim që tifozët të mos ndihen të vjedhur.
