Pas 13 orëve ndërprerje dhe problemesh të shumta, mësohet se Facebook, Instagram e Whatsapp janë kthyer në funksionim normal.
Përdorues të shumtë kanë raportuar së fundi për probleme në hyrjen dhe përdorimin e këtyre sajteve, ndërsa këtë e ka konfirmuar edhe vetë Facebook-u. Sipas rrjetit social, ngërçi është shkaktuar për shkak të një konfigurimi të një serveri.
“Dje, një konfigurim serveri ka shkaktuar probleme serioze për të gjithë përdoruesit në botë. Tashmë ky problem është zgjidhur, dhe jemi kthyer në 100%. Kërkojmë falje për çdo shqetësim të shkaktuar”, thuhet në deklaratën zyrtare të Facebook-ut.
