Deputeti demokrat, Flamur Noka ka shkuar sot në Himarë, një ditë pas prishjes së banesave të banorëve.
Noka ka ofruar mbështetje për qytetarët, duke dënuar prishjen e banesave, teksa shprehet se qeveria po e përdor Himarën si një alibi për fshehjen e skandaleve.
“Prishja e objekteve në Himarë është pazar i Ramës. Jemi këtu për të denoncuar dhunën dhe terrorin. Mos t’i bien në qafë Himarës për të fshehur banditizmin.
Himarën qeveria po e përdor si plaçkë. Ne jemi të vendosur, jemi në krah të banorëve të Himarës përballë kësaj qeverie. Prezenca ime këtu është dëshmi e qartë për të qëndruar të krah të qytetarëve.
E kam thënë dhe vazhdoj ta them, Himara përdoret si alibi për të fshehur skandalet. Skandali Tahiri është skandali i Ramës për këtë qeveri që merret me drogë. Banorët e Himarës kanë denoncuar dhunën dhe terrorin. Nuk jemi në anën e qeverisë dhe të bandave të saj, mbështesim qytetarët”, ka thënë Noka për mediet pas takimit me banorë të Himarës.
