Pas konfliktit të nisur për prishjen e lulishtes tek ish-parku i autobusave dhe përfshirjen në debatin medietik të kunatit te kreut të PD-së, Lulzim Basha, ka ardhur padia nga ana e Erion Isufit.
Isufi ka paditur në Gjykatën e Tiranës ndërtuesin Armando Lilo për shpifje.
Isufi kërkon dëmshpërblim në masën 1.000.000 lekë, përgënjeshtrim të lajmit nga Lilo dhe fshirjen e lajmit nga rrjeti social “Facebook” por edhe nga portalet e tjera.
Padia vjen pas akuzave që ndërtuesi Armand Lilo i drejtoi kreut të PD-së Lulzim Basha se ky i fundit gjatë kohës që ishte në krye të Bashkisë së Tiranës i kishte dërguar kunatin, Erion Isufi për të marrë një pjesë të truallit në formë gjobë.
Gjithashtu, në këtë debat është përfshirë me akuza dhe replika edhe kreu i Bashkisë së Tiranës, Erion Veliaj me kreyedemokratin Lulzim Basha.
