Ditën e sotme është prishur banesa e Bajram Nelës në Laprakë. Ky i fundit, së bashku më të shoqen kundërshtuan prishjen duke u ngujuar në banesë, por ata u nxorën nga policia me forcë, për të vijuar më pas me prishjen e ndërtesës dy katëshe.
Lidhur me këtë ngjarje, ka reaguar Partia Demokratike e cila shkruan në një deklaratë për mediat se Bajram Nela ishte i afërm i poetit të pushkatuar, Habzi Nelës.
“Nisja e prishjeve me forcë të shtëpive me familjen e Bajram Nelës, një i afërm i Havzi Nelës, poetit që u var në 1998 në sheshin qendror të Kukësit nga diktatura komuniste, të kujton jo vetëm firmën e Kristaq Ramës në atë varje, por flet edhe për marrëdhënien që Edi Rama do të vendosë sot me protestuesit. Për banorët e Unazës së Re, Laprakës, Shkozës dhe shumë zonave të tjera informale, prishja e banesës së Nelëve është një mesazh se me ta nuk do të ketë negociata, por do të flitet vetëm me gjuhën e forcës”, shkruan PD në një njoftim për mediat.
