Akuza është e fortë: paratë e destinuara për djalin e tij, 200 mijë euro, i ka përdorur për qëllime të tjera. Këto janë pretendimet e Massimiliano Allegrit. Trajneri i Juventusit, në fakt, ka vendosur të padisë në gjykatë ish-bashkëshorten e tij, Claudia Ughi për përvetësim dhe shkelje të detyrimeve familjare.
Seanca paraprake u vendos në fillim të korrikut 2022, në Gjykatën “Bruno Caccia” në Torino. Në korrik 2017, pas një marrëveshjeje në gjykatë, Allegri fillon të paguajë 10 mijë euro në muaj për mirëmbajtjen e fëmijës, shpenzimet e shkollës, pushimet dhe nevoja të tjera.
Katër vite më vonë, në fillim të vitit 2021, Allegri kërkoi uljen e shumës në 5 mijë euro në muaj, për shkak të papunësisë së tij dyvjeçare. Megjithatë, gjykata e refuzon kërkesën e tij. Ndërkohë Allegri (i përfaqësuar nga avokati Pietro Gaetano Nacci Manara) vendos të padisë ish-gruan e tij (avokatët Davide Steccanella i Milanit dhe Paolo Davico Bonino i Torinos), duke e akuzuar atë për përdorimin e këtyre parave për qëllime të tjera dhe, mbi të gjitha, për pagesën e shkollimit në universitetin e vajzës së saj.
Gjithashtu për shkak se, nga deklaratat e llogarive dhe transfertat bankare – material tashmë në posedim të gjyqtarëve në fazën civile – dolën investime financiare të bëra nga ish-bashkëshortja e Allegrit, duke përfshirë blerjen e një apartamenti në Livorno, gjatë bllokimit, për të lejuar fëmijët për të qëndruar më pranë të afërmve.
Burimi i lajmit: Torino Today. Përshtatur nga Tirana Today
