(Daily Mail) Një moment tronditës është filmuar nga të pranishmit, ku një grup prej 20 nxënësish kanë dhunuar një vajzë të vetme. Për të ardhur keq ishte fakti që të pranishmit në këtë ngjarje të turpshme nuk janë ofruar për ndihmë ndaj vajzës por kanë bërë teleshikuesin, duke e filmuar.
Ngjarja ka ndodhur dje në afërsi të shkollës katolike “Cardinal Wiseman” në zonën e Birminghamit dhe videot tregojnë se vajza është dhunuar e goditur në kokë.
Rreth 20 fëmijë në uniformë rrethojnë vajzën e vetme duke e goditur, ndërkohë ajo është duke thirrur për ndihmë dhe më pas bie në tokë. Të pranishmit kanë nxjerrë menjëherë telefonat për të filmuar ngjarjen, por askush nuk përpiqet të ndërhyjë.
Videoja u ngarkua fillimisht në Snapchat, më pas u shpërnda në Facebook ku është parë 116,000 herë në më pak se 24 orë. Një nënë që ka ngarkuar videon shkroi: Kjo ndodhi pas mësimit sot, të gjithë duke sulmuar një vajzë të vetme. Kelly Bradley, e cila jeton pranë zonës ku ndodhi ngjarja, tha se u përpoq të ndihmonte viktimën dhe më pas njoftoi policinë.
Ajo i tha Birmingham Live: ‘E pashë këtë, u tërhoqa dhe thirra policinë. Ishte vërtet një skenë e shëmtuar. Disa prej nesh u përpoqëm që ta ndihmonim, por ata ishin mbi 20 fëmijë.”
Një person komentoi në videon në Facebook: ‘Duken si kafshë të egra!!! Turp për të gjithë ata ishin duke shikuar! Shpresoj që vajza të jetë mirë dhe të ndërrojë shkollën për një më të mirë.’
Një grua shkroi: “Kjo është e neveritshme, shpresoj që të gjithë prindërit e fëmijëve të shohin se sa të këqij janë fëmijët e tyre”. Ndërsa një tjetër ka komentuar: ‘Sjellja e neveritshme, ajo vajzë duket e dobët dhe e pambrojtur’.
Një zëdhënës i Policisë së West Midlands konfirmoi se ka nisur një hetim dhe ka qëndruar në skenë për disa orë. Ata thanë: “Ne u njoftuam për një incident në rrugën Kingstanding, rreth orës 15:40. Zyrtarët qëndruan në skenë deri në orën 18:30 dhe hetimet janë duke u zhvilluar.”
Drejtori i ‘Cardinali Wiseman’, Rob Swanwick tha për MailOnline: “Një incident ndodhi në orën 15:40 (30 minuta pas përfundimit të shkollës) më 06/02/19 në një zonë që përfshin një numër të madh nxënësish të shkollës sonë.
Stafi ynë mori pjesë në skenën e incidentit pak pasi u zhvillua së bashku me policinë lokale. Një hetim është duke u zhvilluar dhe ne po ndihmojmë policinë në këtë çështje. Në këtë fazë të hetimit nuk mund të komentojmë më tej.” TIRANA TODAY
