Komedia “Princesha e Dyrrahut” do të ngjitet në 18 dhe 19 prill në skenën e Teatrit Kombëtar Eksperimental “Kujtim Spahivogli”. Kjo komedi i vendos ngjarjet në Dyrrahun e shekullit XII, por situatat dhe batutat mes aktorëve të sjellin edhe në realitetin e ditëve tona.
Dhjetë performues të maskuar do vënë në skenë një histori dashurie. Ata janë: Marvin Tafaj, Mimoza Marjanaku, Alesia Xhemalaj, Jaho Guma, Suela Bako, Amos Zaharia, Deljana Topulli, Xhejni Fama, Greta Cani dhe Vladimir Doda.
Një çift të rinjsh, dashuria e të cilëve kundërshtohet nga prindërit, një doktor që akuzohet për përvetësim pronash dhe afera korruptive, një zonjë e internuar në Dyrrah, por që në fund zbulohet se është Ana Komnena, princesha e Bizantit.
