Ndahet nga jeta njeriu më i vjetër në botë, ka ndërruar jetë në një fshat në Javan Qendrore, në Indonezi.
Sodimedjo, i njohur po ashtu edhe si Mbah Ghoto, kishte lindur në Dhjetor 1870 dhe pretendonte të ishte 146-vjeç.
“BBC” tha se ai pretendonte të ishte njeriu më i vjetër në historinë e njerëzimit.
Indonezia nisi t’i regjistronte lindjet në vitin 1900 – teksa më parë ka pasur gabime.
Mirëpo, zyrtarët e këtij shteti kanë pohuar se dokumentet e tij ishin të sakta.
Mbah Ghoto u dërgua në spital më 12 prill, si pasojë e përkeqësimit të shëndetit.
Gjashtë ditë më vonë, ai këmbënguli të dilte nga spitali dhe të rikthehej në shtëpinë e tij.
Në fshatin e tij ai ishte hero, i famshëm për tregimin e historive rreth luftës kundër Japonisë dhe kolonizatorëve holandezë.
