Presidentja kroate Kolinda Grabar-Kitarović do të vijë nesër në vendin tonë, për një vizitë zyrtare tre-ditore gjatë së cilës ajo do të takohet me udhëheqjen shtetërore në Tiranë dhe do të vizitojë portin e Durrësit, njoftoi Zyra e Presidentes këtë të martë.
Të mërkurën, Grabar-Kitaroviç do të takohet me homologun e saj, Presidentin Ilir Meta. Të enjten, presidentja kroate do të takohet me kryeministrin Edi Rama dhe me kryetarin e parlamentit, Granit Ruçi, dhe do mbajë një fjalim edhe në Parlamentin shqiptar. Po të njëjtën ditë, ajo do të udhëtojë për në Durrës ku do të prezantojë një projekt të përbashkët me sy vendeve për ruajtjen e detit Adriatik.
Presidenti Meta bëri një vizitë pune në Kroaci në janar, kur të dy palët vlerësuan marrëdhëniet e tyre si shumë të mira dhe përmendën mundësitë e avancimit të marrëdhënieve të tyre në industri dhe energji. Me këtë rast, Grabar-Kitarović ngriti çështjen e ndotjes së detit Adriatik.
Grabar-Kitarović dhe Meta ranë dakord se mbrojtja dhe parandalimi i ndotjes së Adriatikut dhe zonave bregdetare ishte i një rëndësie strategjike për të dy vendet dhe një mekanizëm i ri bashkëpunimi.
Duke vënë në dukje rëndësinë e procesit të mëtejshëm të zgjerimit të BE-së, Grabar-Kitaroviç shprehu mbështetjen e fuqishme të Kroacisë për ofertën e Shqipërisë për anëtarësim në BE. Të dy vendet gjithashtu mbajnë një bashkëpunim të mirë dypalësh në kuadër të Kartës SHBA-Adriatik në misionin e Mbështetjes së Përhershme në Afganistan.
Gjatë vizitës së Ministrit kroat të Mbrojtjes Damir Krstiçeviç në Shqipëri në prill, Presidenti Meta falënderoi Kroacinë për kontributin e saj në misionin e KFOR-it të udhëhequr nga NATO në Kosovë.
Presidentja kroate u mediatizua në rajon, Evropë, dhe në mbarë botën gjatë kampionatit botëror të futbollit Rusi 2018. Kitaroviç u konsiderua si një nga politikanet më mbështetëse ndaj një ekipi, në këtë rast, ndaj ekipit kroat. Kitaroviç ishte presidentja që mahniti me prezencën e saj, gjatë ndjekjes së ndeshjes së ekipt kombëtar kroat, duke u komentuar nga mediat botërore, për stilin e veçantë dhe të thjeshtë.
Burimi: total-croatia-news.com
Përshtati: Tirana Today
