Presidenti, Bujar Nishani, ka nderuar me titullin “Për merita të veçanta civile”, nismën më të madhe të bamirësisë në të gjithë Shqipërinë, “Fundjavë Ndryshe”.
Pas dhjetëra fundjavësh, që kjo nismë ka ndërmarrë misionin e saj në çdo vend të Shqipërisë, “Fundjavë Ndryshe” merr sot dekoratën “Nënë Tereza”, pas punës së palodhshme që stafi ka bërë në shërbim të njerëzve në nevojë.
Nishani i dorëzoi dekoratën “Nënë Tereza”, themeluesit dhe drejtorit ekzekutiv të “Fundjavë Ndryshe”, Arbër Hajdarit.
