Presidenti i Katalonjës, Carles Puigdemont nuk është treguar i qartë nëse e ka shpallur pavarësinë apo jo.
Spanja i kishte dhënë afat deri sot presidentit që të sqaronte qëllimin e tij, por ai i është përgjigjur asaj me një letër, ku njofton se shpreson të pezullojë për dy muaj mandatin që i është besuar nga katalanasit, për të vajtur drejt një vendi të pavarur e për t’i hapur rrugën dialogut.
Edhe pse kryeministri i Spanjës Mariano Rajoy i dha Puigdemontit një afat për t’iu përgjigjur me “po” ose “jo” në pyetjen nëse Katalonia ishte ndarë nga Spanja, kreu katalanas i dërgoi atij një letër dy faqesh për herë të dytë dhe i kërkoi atij që të ndryshonte “represionin” e qeverisë qendrore të popullit katalanas dhe udhëheqësve të tij dhe të organizonte një takim për t’u përpjekur për të gjetur një zgjidhje përmes dialogut paqësor.
“Propozimi ynë për dialog është i sinqertë, pavarësisht nga gjithçka që ka ndodhur, por logjikisht është e papajtueshme me klimën e tanishme të shtypjes dhe kërcënimeve në rritje. Gjatë dy muajve të ardhshëm, objektivi ynë kryesor është që t’ju ulim për dialog”, i shkruan ai shefit të qeverisë Mariano Rajoy para se të përmendte pezullimin e mandatit që i kanë besuar katalanasit, të cilët sipas tij kanë votuar për pavarësi.
