Kreu i demokratëve, Lulzim Basha ndodhet në Helsinki ku ka marrë pjesë në votimet e kandidatit të PPE për President të Komisionit Europian.
Lajmin e ka bërë të ditur vetë lideri i opozitës, me anë të një postimi në Twitter. Basha shoqërohej nga deputetja Albana Vokshi dhe nga Gert Bogdani.
Mësohet se 4 votat e Partisë Demokratike, e cila voton për herë të parë për një kandidat të PPE, do të shkojnë për gjermanin Manfred Weber.
“Në Asamblenë Politike të PPE #EPPHelsinki miratuam kandidaturat e Weber dhe Stubb. Nesër #EPPCongress debati dhe të enjten zgjedhim kandidatin e PPE për President të Komisionit Europian. Si anëtare me të drejtë vote, 4 votat e PD janë për @ManfredWeber e simotrës mike CDU/CSU.”, shkruan Basha.
