Katër dekanët e Fakulteteve të Tiranës kanë dalë ditën e sotme në një konferencë ku kërkojnë largimin nga detyra të rektorit të Universitetit të Tiranë, Mynyr Koni.
Artur Sula, Edmond Rapti, Artan Hoxha, dhe Dhori Kule kanë kërkuar shkarkimin nga detya të rektorit duke sjellë një sërë akuzash mbi të.
Sipas dekanit të Fakultetit Ekonomik, rektori i UT që prej 17 muajsh rezulton në shkelje totale të ligjit duke ndikuar kështu në keq menaxhimin dhe mos fuksionimin normal të strukturave të Universiteteve.
Thuhet se veprimtaritë e tij kanë qenë në kundërshtim të plotë me ligjin duke dërguar kështu në probleme të shumta që lidheshin me buxhetin e universiteteve. Sipas letrës me akuza të paraqitura nga Dhori Kule, rektori i UT ka kryer edhe rolin e administratorit duke e pezulluar këtë të fundit dhe duke ndërprerë pagat e pedagogëve.
Meqenëse qëndrimi i rektorit vazhdon të jetë në kundërshtim total me ligjin kërkojmë dhe dorëheqjen e tij nga detyra.
Pjesë nga letra e kërkimit të dorëheqjes
“Në këto 17 muaj të administrimit të universitetit kemi konstatuar shkelje të rënda dhe të vazhdueshme ligjore në veprimtarinë e rektorit të Universitetit që kanë krijuar një situatë të rëndë paligjshmërie me efekte të drejtpërdrejta të mos funksionimit normal të të gjitha strukturave të universitetit të Tiranës të cilat janë të lidhura drejtpërdrejte ose indirekt me autoritetin e rektoratit të Universitetit.
Gjatë gjithë kësaj periudhe vendimmarrja sjellja dhe komunikimi shkresor për probleme të rëndësishme të administrimit akademik dhe të universitetit dhe strukturave përbërëse të tij në cështje të rëndësishme nga ana e rektorit ka qenë në kundërshtim të hapur me ligjin. Kjo ka bërë që të pengohet rekrutimi i personelit akademik me kohë të plotë dhe atij administrativ. Të krijohen probleme lidhur me miratimin e më pas zbatimin e buxhetit të Universitetit për realizimin e funksioneve të tij.
Në mënyrë flagrante rektori ka marrë kompetencat e Administratorit të Universitetit. Nuk njeh autoritetin e tij dhe të bordit të administrimit. Ka nënshkruar kontrata furnizimi me efekte financiare të cilat janë kompetencë e administratorit , e ka pezulluar atë ka bllokuar pagat e punonjësve të rektorarit të Universitetit të Tiranës dhe Departamentit të Edukimit Fizik apo vonuar atë të pedagogëve të Fakultetit të Shkencave të Natyrës, bllokimin e databazës dhe shërbimet informatike për studentët e pedagogët veprime këto në kundërshtim të hapur me ligjin.
Duke qenë se qëndrimi i Rektorit vazhdon të jetë i njëjtë, megjithë përpjekjen e instituticionale të autoriteteve dhe organeve brenda UT, si edhe atyre jashtë UT, vlerësojmë se qëndrimi i mëtejshëm në detyrë i Rektorit jo vetëm nuk i përgjigjet kërkresave ligjore, por është në dëm të hapur me interesat e administrimit, drejtimit dhe zhvillimit Instituticional të Universitetit të Tiranës.”
Kryeministri Edi Rama sot në seancën plenare në parlament sqaroi se çfarë donte të thoshte me “prerje kokash” ditën e djeshme gjatë takimit me Senatin.
“Prerje koke e kërkon dekanati, janë 4 dekanë me në krye Dhori Kulen që i janë drejtuar me letër ministres së Arsimit duke i kërkuar shkarkimin e rektorit dhe duke e shoqëruar kërkesën me dokumentacion që sipas tyre provon shkelje të ligjit abuzime etj kanë përfunduan në gjykatë, kanë fituar edhe gjyqe dhe ajo që ne kemi bërë ka qenë e kundërta për ti dhënë kohë që të adoptohen dhe të vetëadministrohen”- tha Rama.
