Elez Gjoza, administratori i LSI-së i njësisë 2 në Tiranë, është kallëzuar në Prokurori.
Prokuroria dyshon se Gjoza bëri transferim të qytetarëve për të ndikuar në zgjedhjet, pasi regjistroi 70 persona me të njëjtin kod banimi si dhe u premtoi vende pune qytetarëve në këmbim të votës.
Elez Gjoza gjithashtu mban dhe postin e Presidentit të Federatës së Peshëngritjes.
Materialet proceduriale iu kaluan Prokurorisë së Rrethit Gjyqësor Tiranë, për veprat penale “Detyrimi për pjesëmarrje në veprimtari politike”, “Korrupsioni pasiv në zgjedhje” dhe “Falsifikimi i dokumenteve”, parashikuar nga nenet 328/a, 328/b dhe 186/3 të Kodit Penal.
