Ai ka luajtur me skuadra të njohura angleze si Blackburn, Preston, Bury, Burnley, por kohët e fundit është duke kaluar një problem mjaft të rëndë shëndetësor. Bëhet fjalë për ish-futbollistin, Lenny Johnrose i cili i ka prekur të gjithë me deklaratën e fundit të tij për mediat.
Tashmë në moshën 48-vjeçare ai po përballet me një sëmundje të rëndë e cila dëmton neuronet motorike të frymëmarrjes, të lëvizjes, të folurit dhe prodhon makthe. Johnrose, baba i tre fëmijëve është shprehur për mediat se ai nuk ka frikë nga vdekja edhe pse ka kaluar ditë të errëta.
“Nuk kam frikë të vdes. Ideja për të shëtitur përreth, të kërkuarit e një periudhe më të mirë më ka ndërgjegjësuar. Nuk kam menduar kurrë se pse kjo më ndodhi mua. Disa ditë janë më të mira. Kam përjetuar disa ditë të errëta. Në këtë moment sapo kam dalë nga një gjendje e keqe.
Në fund të stinës nëse ndihesha i lehtë mund të vrapoja e të shkoja në palestër. Tani nuk dua të lëviz nga krevati. Por sapo zgjohem dhe bëj dush, ndihem më mirë teksa dita kalon. Por në orën 8 ose 9 të darkës ndihem totalisht i lodhur”, rrëfen ish-sulmuesi.
