“Elbasan Arena” bëhet “streha” e Kombëtares. Sfida me Lihtenshejnin është programuar të luhet në këtë stadium, në datën 2 shtator. Edhe ndeshja me Izraelin është luajtur në po këtë impiant, për shkak të problemeve me sigurinë në Shkodër.
Mësohet se kjo sfidë e vlefshme për kualifikueset e Botërorit “Rusi 2018” është vendosur të luhet në “Elbasan Arena”. Mbetet vetëm çështje ditësh konfirmimi zyrtar nga ana e FSHF-së për këtë gjë.
Një nga arsyet kryesore që kjo përballje të luhet në Elbasan, ka të bëjë me rëndësinë e ndeshjes dhe kundërshtarin që kuqezinjtë kanë përballë. Lihtenshtejni nuk përbën një interes shumë të madh për sportdashësit, ndaj është parë e udhës ta dërgojnë në Elbasan.
Gjithashtu është mëse normale që edhe vetë FSHF-ja ndihet më komode në menaxhimin e një ndeshjeje ndërkombëtare në “Elbasan Arena”, bazuar në afërsinë me kryeqytetin.
