Ministria e Arsimit ka vendosur që të mos ketë rritje të tarifave këtë vit.
Veç kësaj, në vitin e ri akademik 2017-2018, pritet të ketë vetëm rritje të kuotave të pranimeve, në bazë të kërkesave të bëra nga senatet e universiteteve në vend.
Nëse shohim propozimet e universiteteve, aktualisht asnjë prej tyre nuk ka kërkuar rritje të tarifës për studentët, por vetëm shtim të kuotave në bazë të kapaciteteve akomoduese që ka çdo universitet.
Për vitin e ri akademik, Universiteti i Mjekësisë do të kërkojë shtim të kuotave me rreth 300 të tilla më shumë se një vit më parë, ndërsa Universiteti Bujqësor do të kërkojë rreth 200 kuota më shumë se një vit më parë, raporton Scan.
Kriteret për pranimet në universitete vazhdojnë të mbetën të njëjtat, ndërsa nota mesatare për pranimet në universitete do të jetë nota 6.
