Drejtor i përgjithshëm i njësisë së inteligjencës në Policinë Mbretërore të Kanadasë, Cameron Jay Ortis është arrestuar, pasi akuzohet se ka zbuluar informacione të klasifikuara ndal një entiteti të huaj.
Zyrtari i lartë i inteligjencës doli para trupit gjykues për t’u përballur me akuzat. Prokurori tha se Ortis po akuzohet për posedim, ruajtje dhe përpunim të informacionit të klasifikuar, me qëllim që këtë informacion ta ndajë me një entitet të huaj.
Sipas mediave vendase, njëri prej rasteve të profilit që Ortis kishte punuar ishte hetimi lidhur me atë se nëse paratë e rastit të madh të korrupsionit rus, që fillimisht ishte zbuluar nga avokati Sergei Magnitsky, ishin dërguar në Kanada.
Ortis raportohet se në muajin gusht kishte mbikëqyrur rastin e mashtrimit prej 230 milionë dollarësh, që dyshohet se ishin marrë nga fondi i investimeve të Browder në Rusi. Megjithatë, ende është e paqartë nëse arrestimi i tij ka lidhje me punën në rastin Magnitsky.
