Pronari i një lokali bastesh dhe llotosh sportive u arrestua në Pogradec, pasi në ambientet e biznesit të tij mbante armë zjarri dhe fishekë. 46-vjeçari Lavdi Çuli posedonte një armë zjarri pistoletë tip “Mauser”, dhe 6 fishekë pa lejen e organeve përkatëse.
Në njoftimin e policisë thuhet se “në pranga u vu Lavdi Çuli, pasi gjatë kontrollit që shërbimet e policisë kanë ushtruar në lokalin në pronësi të tij, baste dhe lloto sportive në lagjen nr 5 në Pogradec, këtij shtetasi iu gjet e sekuestrua në cilësinë e provës materiale, një armë zjarri pistoletë tip “Mauser” dhe 6 fishekë, pa lejen e organeve përkatëse”.
Materialet i kaluan Prokurorisë të Rrethit Gjyqësor Pogradec, për veprime të mëtejshme.
