Fundjava ka rezervuar për të gjithë sportdashësit derbin e kryeqytetit, mes Partizanit dhe Tiranës. Por tifogrupi i bardhebluve, “Tirona Fanatics” ka dalë me një njoftim që ka prishur humorin në ambientet e Tiranës. Ata kanë njoftuar se nuk do të jenë të pranishëm në stadiumin “Selman Stërmasi”, për të ndjekur derbin e kryeqytetit, pasi nuk e pranojnë faktin se do të jenë “mysafirë në shtëpinë e tyre”.
Stadiumi “Selman Stërmasi” është në pronësi të Tiranës, por me prishjen e stadiumit “Qemal Stafa”, klubi i Partizanit bëri një kontratë me bardheblutë, ku merr me qira stadiumin e tyre, për të luajtur takimet e Superiores. Sfida e të premtes pasdite ka si skuadër pritëse pikërisht Partizanin, që do të jetë edhe organizatori i takimit dhe për rrjedhojë ka rezarvuar shumicën e biletave për tifozërinë e “të kuqve”.
Ja reagimi i plotë i “Tirona Fanatics”:
Tifogrupi Tirona Fanatics nuk do te jete prezent te premten ne ndeshjen e radhes kunder pjelles se beogradit!
Tifozet e Tirones kurre nuk mund te jene miq ne shtepine e tyre, pavaresisht cdo lloj situate.
Refik Halili bashke me qeraxhinjte e tij mund te vazhdojne te luajne “ E ka kush e ka” per vendet e stadiumit, ama intelekti i tifozeve bardheblu qendron shume shkalle lart tyre…
Tirona eshte me shume se nje ndeshje, 90 minuta apo nje derbi artificial.
Tirona eshte me shume se futboll!
