Një çift shqiptar është arrestuar në Itali, pasi iu gjendën në garazhin e makinës së tyre, drogë dhe municione.
Policia ushtroi kontroll në 3 garazhe makinash, që ishin në zotërim të çiftit shqiptar, në lagjen ‘Niguarda’, në qytetin e Milanos.
Karabinierët sekuestruan 122 kilogramë marijuanë, 4 kilogramë kokainë si dhe 132 gramë hashash, të cilat dyshohet se do të trafikoheshin.
Gjithashtu, dy shqiptarëve iu gjetën një pistoletë me 46 plumba 9mm, e cila rezultonte e vjedhur, 10 000 euro, pajisje kompjuterike si dhe 3 makina, që dyshohet se përdoreshin për transportin e lëndëve narkotike.
