Portieri kundër Guardiolas: S’më plas fare sa kushton, besnik ndaj ekipit tim

Ish-portieri i Everton, Neville Southall ka dalë kundër deklaratës së Guardiolas i cili u shpreh se arbitrat duhet ti mbronin më shumë lojtarët, pas dëmtimit të Leroy Sane. “Do ta shembja përtokë atë”. 59-vjeçari pretendoi se ankesat e spanjollit ishin idiotësira dhe se as që do t’i plaste fare se sa shumë vlente kundërshtari që do të kishte përballë, pasi do të kishte një detyrë për të bërë në favor të ekipit të tij.

 “Nëse do të luaja kundër Kevin De Bruyne dhe nuk jam aq i mirë sa ai, atëherë do të shkoja ta shembja përtokë atë, sepse kjo është detyra ime për ekipin. As që më plas fare se sa shumë kushton, sepse besnikëria ime është për ekipin tim. Nuk është mirë qurravitja. Çfarë do të bënte ai në të njëjtat pozita? Supozo sikur unë të mos e godisja atë sepse ai është më i mirë se unë? Unë habitem se si nuk pati më shumë ndërhyrje dhe goditje nga ana e Cardiff”, deklaroi Southall për “the Times”.