Partizani i pafuqishëm për të arritur të marrë dy fitore radhazi dhe vendin e katërt. Pas një breshërie golash ndaj Lushnjës ndalen në barazim 1-1 në Durrës përballë Teutës, ku goli i barazimit shënohet në mënyrë dramatike në sekondat e fundit nga portieri Moçka.
Në minutën e 24-t, Progni, që më parë ka luajtur për Teutën, tregohet i vëmendshëm dhe gjuan me të parën. Kujtojmë që përpara golit durrsakët humbën penallti, kur Hoxha u tregua i saktë me pritjen e tij. Teuta u përpoq të merrte një pikë dhe ia ka dalë në fund.
Në aksionin e fundit, ishte portieri i Teutës, Shpëtim Moçka, që kishte lënë portën e tij dhe kërcen me kokë, duke ndëshkuar të kuqtë. Nuk ka më kohë dhe ndeshja përfundon në barazim 1-1. Partizani ngjitet në vend të pestë, ndërsa Teuta barazon Vllazninë në vendin e parafundit, me shkodranët që luajnë nesër ndaj Flamurtarit.
