Portieri dentist që neutralizoi Messin: E kisha parandier, prandaj…

Hannes Halldorsson është njeriu i momentit në këtë Botëror, pasi arriti të ndalë Messin nga pika e bardhë e penalltisë. Në profesion dentist dhe pjesë e një ekipi jo shumë të njohur si Randers në Danimarkë ka shkruar emrin në eventin më të madh të futbollit botëror. Halldorsson ishte më meritori në pikën e parë të marrë në Botëror nga kombëtarja e tij, e cila merr pjesë për herë të parë në Kupën e Botës pasi surprizoi në Europianin e Francës. Portieri ka sqaruar pas ndeshjes se si arriti të ndalte Messin nga pika e bardhë e penalltisë.“Të jem portier i parë i Islandës në këtë Botëror është diçka e jashtëzakonshme për mua, akoma më shumë t’i prisja edhe një penallti futbollistit më të mirë në botë. Një ëndërr e bërë realitet, për më tepër që u shoqërua edhe me 1 pikë në fund. Unë i kisha studiuar penalltitë e tij, sepse e mendoja se diçka e tillë mund të ndodhte. Kam parë me kujdes shumë penallti të tijat, dhe e dija se do të gjuante ashtu”–tregon Halldorson.