Polonia ka nënshkruar një marrëveshje me Shtetet e Bashkuara të Amerikës për blerjen e sistemeve raketore Patriot.
Lajmin e bën të ditur ministri i Mbrojtjes i Polonisë, Antoni Macierewicz, i cili tha se memorandumi për marrëveshjen është nënshkruar menjëherë pas arritjes së Trump në Varshavë, për një samit të liderëve të Evropës qendrore dhe lindore.
“Më vjen mirë që mund ta jap këtë informacion në ditën e vizitës së presidentit Trump në Varshavë”, tha Macierewicz.
Polonia lajmëroi në mars se pret të nënshkruajë marrëveshjen prej 7.6 miliardë dollarësh për blerjen e tetë sistemeve Patriot nga firma amerikane Raytheon deri në fund të vitit.
