Politikani kosovar, Azem Vllasi, ka deklaruar se Presidenti i Serbisë Aleksandër Vuçiç do të njihte pavarësinë e Kosovës, nëse në këmbim do të merrte Republikën Srpsken.
Në një intervistë për Kosovo Online, ai tha se BE-ja është vetëm një ndërmjetës për dialogun, ndërsa SHBA do të luajnë një rol të fort në dialogun me vendet.
Në lidhje me “Non Paper-in”, Vllasi u shpreh se dokumentet janë pa autor dhe se janë vetëm për të provokuar, ndërkohë që ka shtuar se ekzisteca e “Non Paper-it” është e dëmshme edhe për vetë serbët.
“Këto dokumente janë provokim dhe ne në regjion lehtë ngjitemi për to, diçka pa autor pa adresë pa politikë serioze nuk duhet marr seriozisht, flitet për autonomi e në të vërtetë ideja është e ndarjes, kjo do ishte e dëmshme për vetë serbët në jug. Si mund të ketë autonomi për 30 mijë banorë e katër komuna, këto janë marrëzi. Kosova nuk do pranojë kurrë këtë dhe mund të ketë probleme e konflikte përsëri në dëm të serbëve”, tha Vllasi.
Në lidhje me dialogun Kosovë-Serbi, ai tha se të dy liderat nuk do të lëshojnë pe dhe do të akuzojnë njëra-tjetrën për mos dashje të kompromisit.
