Protesta e studentëve është ndarë në tri fronte, disa qëndrojnë para Ministrisë së Arsimit, një pjesë kanë bllokuar Zogun e Zi, ndërsa të tjerë janë zhvendosur poshtë zyrës së kryeministrit ku janë ulur këmbëkryq presin zgjidhjen e kërkesave të tyre.
Në media flitet se personat që janë para Kryeministrisë janë militantë të PD-së dhe LSI-së që janë veshur me petkun e studentit.
Të njëjtën gjë deklaron edhe kryeministri Edi Rama i cili thotë së ata që janë ulur poshtë zyrës së tij janë militantë të opozitës që fshihen si studentë.
Ndërkohë më herët gjatë ditës së sotme sekretari i Burimeve Njerëzore për LRI-në, Gaetano Doçi i njohur për mediat si ‘Bodyguard-i’ Monikës është bërë aktiv sërish në protestën e studentëve para Ministrisë së Arsimit.
I ulur në tokë në shenjë proteste, Doci tha se shqiptarët janë të lodhur nga kjo klasë politike, që sipas tij, në 28 vite nuk kanë realizuar asgjë për arsimin.
Kur qeveria të marrë përgjegjësitë e saj, s’ka më kthim pas. S’ka dialog dhe as negociata, ka vetëm plotësim të kërkesave.
Në 28 vite jemi të ngopur me politikë dhe qeveri të korruptuara. Pikat tona duhet të plotësohen me çdo kusht, kemi pikat tona para orës 16:00. I bëj thirrje kryeministrit të plotësojë pikat tona.
