Një mbrëmje tejet e vështirë ka qenë për studentët, të cilët duhet të përballeshin edhe me të ftohtin e acartë të dhjetorit, ndërsa protestonin poshtë zyrës së Ramës.
Protesta jo vetëm që i ka lodhur, por më e vështirë është bërë qëndrimi gjatë natës pa zjarrin që kishin ndezur.
Mësohet se pas mesnate, policia iu ka hequr dhe drutë që përdornin për ngrohje. Ata kanë kërkuar publikisht që protestën mos t’ia vështirësojnë edhe më shumë, duke u hequr drutë për zjarr.
“Mbrëmë na kanë lënë pa dru nga ora 1, sapo kanë ikur mediat. Presioni është prej policisë. Ju lutem drutë na i lini”, u shpreh një prej studentëve për “Fax News”. Një tjetër student tha se pas mesnate atyre iu janë marrë dhe kartat nga ana e policisë, dhe iu është kërkuar llogari se në cilën prej universiteteve qëndronin.
