Autoritet në Barcelonë kanë zhvilluar një operacion të madh kundër trafikut të marijuanës me qëllim shkatërrimin e një organizate kriminale me origjinë shqiptare. Gjithashtu mediat vendase bëjnë të ditur se policia bëri kontrolle në disamagazina, apartamente dhe ambiente magazinimi në Artés, Pallejà, l’Arboç, Pinedes d’Armengol, Sitges dhe Barcelona, ku banon një nga drejtuesit e rrjetit.
Po ashtu hetimi i drejtuar nga Njësia Hetimore e Komisariatit të Policisë Anoia, ka bërë të mundur lidhjen e vendndodhjeve të ndryshme në kuadër të këtij operacioni kundër trafikut të marijuanës. Ky është një nga specialitetet e hetuesve, të cilët janë fokusuar në luftën kundër kësaj droge në rajonin e Anoias dhe në degëzimet e organizatave kriminale të përfshira.
Gjithashtu raportohet se gjatë operacionit u arrestuan disa persona, të gjithë me kombësi shqiptare, dhe u sekuestrua një sasi e konsiderueshme droge. Megjithatë, numri i saktë i mallrave të konfiskuara ende nuk është bërë i ditur.
