Policia e shtetit ka proceduar penalisht, pothuajse gjithë grupin parlamentar të Partisë Demokratike, bashkë me kreun e saj, Lulzim Basha.
Në një njoftim për shtyp, Policia e Shtetit thekson se ka proceduar penalisht zyrtarët e selisë blu, me arsyetimin e tubimit të paligjshëm të ditës së djeshme, ku u bllokua për rreth 1 orë trafiku, në 5 pika kryesore të vendit.
Deputetët e proceduar penalisht janë kreu i grupit parlamentar Edi Paloka, Arben Ristani, Oerd Bylykbashi, Eduart Halimi, Gerti Bogdani, Flamur Noka, Igli Cara, Gent Strazimiri, Asllan Dogjani, Kastriot Islami, Genc Pollo dhe Keltis Kruja.
“Më datë 24.04.2017, u referuan materialet në Prokurorinë e Rrethit Gjyqësor Tiranë, për subjektin Partia Demokratike e Shqipërisë, përfaqësuar nga Kryetari Lulëzim Basha, Sekretar, Arben Ristani, deputetët Oerd Bylykbashi, Gerti Bogdani, Flamur Noka, Eduart Halimi, Gent Strazimiri, Asllan Dogjani, Igli Cara, Kastriot Islami, Genc Pollo, Keltis Kruja, Edi Poloka, sepse në orën 11:00, te sheshi “Shqiponja” dhe në rrugën “Teodor Keko”, kanë organizuar dhe marrë pjesë në tubim të paligjshëm duke penguar qarkullimin e mjeteve të transportit. Punohet për identifikimin e pjesëmarrësve të tjerë në tubim. Nenet 262 e 293 të K.P.”, thuhet në njoftimin e policisë.
