Një ngjarje aspak e këndshme i ka ndodhur këngëtarit Frederik Ndoci, të cilit policia i ka ndërprerë performancën në një lokal në Velipojë. Sipas tij, kjo gjë përsëritet prej katër netësh, ku policia ndërhynte me skafandra dhe antiplumb, si dhe trembte pushuesit e pranishëm në lokal.
Në media u raportua se shkak ishte një urdhër i kryeministrit, por vetë këngëtari nuk e beson këtë version të ngjarjes.
“Mua nuk më besohet si e vërtetë që kryeministri ka ndërhyrë personalisht”, shkruan Ndoci në një koment.
Më tej, ai i përgjigjet një tjetër komentuesi, të cili i thotë se dyshon që urdhrin për ndërprerjen e performancës së tij e ka dhënë kryetarja e Bashkisë së Shkodrës, Voltana Ademi.
