Blutë e Tiranës kanë kapur mbrëmjen e sotme autorin e dyshuar të plagosjes së efektives së “Shqiponjave”. Në pranga ka rënë shtetasi Daniel Drobaj, 18-vjeç, banues në Tiranë.
“Shërbimet e Policisë Tiranë, identifikojnë dhe kapin në kohë rekord autorin e plagosjes së efektives së policisë, shtetases Ina Nuka.
Nga shërbimet e Policisë Tiranë, falë një pune të mirë organizuar hetimore, u bë identifikimi dhe kapja në kohë rekord e autorit të plagosjes, shtetasi Daniel Drobaj, 18-vjeç, banues në Tiranë.
Në ngarkim të këtij shtetasi do të referohen materialet pranë Prokurorisë së Rrethit Gjyqësor Tiranë, për veprat penale “Plagosje e rëndë me dashje”, “Organizimi dhe pjesëmarrja në grumbullime dhe në manifestime të paligjshme”, “Prishje e rendit dhe qetësisë publike”, si dhe “Goditja për shkak të detyrës”.
