Në muajin mars një nga terroristët e Londrës u ndalua nga policia italiane për shaka të dyshimeve për lidhje me terrorizmin. Në atë kohë karabinierët i kanë konfiskuar celularin Youssef Zaghba, dhe brenda tij ishin gjetur video të grupit terrorist ISIS.
Në atë kohë, gjykata italiane kishte vendosur se nuk kishte prova të mjaftueshme të terrorizmit për të ngritur aktakuzë ndaj tij.
Meqë Zaghba kishte pasaportë italiane, autoritetet nuk kanë mundur ta dëbonin nga Italia për shkak të dyshimeve xhihadiste.
Inteligjenca italiane kishte ndarë informatat rreth Zaghba me inteligjencën britanike.
Zaghba është njëri prej tre sulmuesve që e kryen sulmin e së shtunës në Londrën qendrore, ku i vranë shtatë persona dhe plagosur 48 të tjerë.
Zaghba bashkë me dy sulmuesit tjerë u vranë nga policia gjatë sulmit.
