Ka mjaftuar një telefonatë nga fqinjët e tij, për t’i hapur më pas shumë telashe shtetasit, Klodjan Lato. Ky i fundit u raportua nga fqinjët në polici me anë të një telefonate, pasi ai kishte qëlluar me armë zjarri në shtëpinë e tij, në Berat.
Policia ka shkuar menjëherë në vendngjarje dhe ka gjetur 1 armë zjarri automatik model 56, 4 krehëra dhe 250 fishekë.
Jo vetëm kaq, por 37-vjeçarit iu gjetën në dy qese ambalazhi 250 gr, e dyshuar si lëndë narkotike Cannabis Sattiva.
Lato u arrestua nga policia, dhe akuzohet për veprat penale, “Prishja e qetësisë publike”, “Prodhimi dhe shitja e lëndëve narkotikëve”, “Prodhimi dhe mbajtja pa leje e armëve luftarake dhe municionit” dhe “Prodhimi dhe mbajtja pa leje e armëve të ftohta”.
