Policia greke, paraditen e sotme, ka sekuestruar më shumë se 75 kg kanabis.
Mësohet se policia e vendit fqinj ka arrestuar në aksin rrugor Igumenicë-Janinë, një shtetas shqiptar që po transportonte me mjetin e vet, sasinë e lëndës narkotike.
Nga komunikata e policisë së vendit fqinj thuhet se, në sedilet e pasme dhe në bagazh u gjetën 70 paketa me kanabis të papërpunuar, me peshë të përgjithshme 75 kilogramë e 860 gramë.
30 vjeçarit, të cilit nuk i është bërë ende i ditur identiteti, bëhet me dije se kishte dokumenta të nënshtetësisë greke dhe është një person i skeduar për vepra kriminale në Greqi.
