Babai i Luisit, djalit të plagosur pas sherrit te shkolla “Fan Noli”, Fiqiri Meçe i ka kërkuar Policisë së Shtetit të tregojë pamjet filmike të momentit ku ndodhi ngjarja e rëndë.
Duke e konsideruar deklaratën e sotme të policisë si të parakohshme, babai i Luizit kërkoi publikisht që djalit të tij t’i bëhet ekspertiza, pasi me bindje të plotë thotë se në kjo ngjarje ka pasur dy autorë.
“Unë këto deklarata të policisë nuk më duken shumë serioze. Ne presim mjekun ligjor që të bëjë ekspertizën për të pasur një konkuluzion të drejtë pa bërë deklarata të parakohshme, por unë i besoj shtetit dhe besoj se drejtësia do të shkojë në vend.
Unë kam folur disa herë me Luizin, por ai mban të njëjtin qëndim. Kjo gjë është e faktuar, ka pasur dy autor në këtë ngjarje, edhe kamerat këtë gjë tregojnë.
