Policia e Shtetit ka marrë masa për shmangien e incidenteve dhe për rritjen e sigurisë së qytetarëve gjatë ditëve të Pashkëve.
Këto masa vijnë pas alarmit të dhënë nga Ambasada Amerikane, e cila paralajmëroi dje se në vendin tonë mund të ketë sulme terroriste.
Kështu, janë shtuar patrullimet e Policisë Rrugore në akset nacionale dhe akset kryesore rurale, ndërsa në porte, aeroport dhe në pikat e kalimit kufitar janë shtuar sportelet, me qëllim krijimin e lehtësirave ligjore për shtetasit vendas e të huaj, në mënyrë që të shmangen vonesat dhe radhët e gjata.
Në mbyllje të njoftimit, Policia e Shtetit uron të gjithë të krishterët “Gëzuar Pashkët!”, duke u siguruar atyre edhe njëherë për parandalimin e çdo veprimtarie kriminale.
Nuk dihet nëse Policia e Shtetit ka informacione mbi organizimin e ndonjë sulmi terrorist gjatë ditës së sotme.
