Paul Pogba me anë të një interviste të shkurtër ka menduar që të shkaktojë sërish “tërmet” në Manchester. Kur u mendua se situata u sqarua sadopak me atë fitore në javën e fundit, mesfushori francez ka paralajmëruar sërish largimin nga United dhe pas një kohe jo shumë të largët.
Fillimisht francezi për “Sky Sports” komentoi mundësinë e transferimit te Barcelona: “Është folur shumë, por unë kam një kontratë me United. E ardhmja ime për momentin është te Manchester, kam një kontratë, për momentin luaj aty, por kush e di se çfarë mund të ndodhë në muajt e ardhshëm.”
Me tej 25-vjeçari hedhë poshtë raportimet se marrëdhëniet e tij me Jose Mourinho-n janë përmirësuar. Ai u shpreh ftohtë: “Kemi një marrëdhënie trajner-lojtar, vetëm kaq. Një gjë mund t’ju siguroj: do të jap gjithmonë 100%, nuk ka rëndësi se kush është trajneri, unë do të jap gjithmonë më të mirën time për United.”
