Tottenham vjen në ndeshjen e parë të Champions League pas një periudhe aspak të mirë, pasi ka marrë dy humbje rresht në Premier Legue. Problem tjetër për Pochettino do të jetë mungesa e disa lojtarëve të cilët janë baza e ekipit, si Dele Alli, por duket se nuk do të jetë problem. Trajneri argjentinas në konferencën para përballjes me Interin të martën në mbrëmje në “San Siro” është shprehur se Interi është një skuadër e madhe dhe me shumë histori.
Po ashtu ai ka thurur elozhe për argjentinasit e zikaltërve, ku thekson se Lautaro Martinez ka shumë talent dhe se e pret një e ardhme e madh.
“Nuk kam qenë i ekzaltuar pas tri fitoreve radhazi dhe nuk jam i shqetësuar tani, pas humbjes me Liverpool-in. Ndodh që të mundesh nga Liverpuli, por dua të them se Totenhemi ka qenë në lojë deri në minutat e fundit të ndeshjes”, tha fillimisht Pochettino
Interi? Është një skuadër e madhe, me histori të gjatë dhe rikthimi në Champions i ka dhënë me siguri më shumë motivim. Icardi? I njohim mirë cilësitë e tij, kurse për Lautaro Martinez mendoj se është një djalë i talentuar, që do të shkojë larg”, ka deklaruar trajneri argjentinas
