Mjekët i erdhën në ndihmë një gruaje e cila u kishte thënë se ishte shtatzënë, por në fakt ajo i kishte mashtruar ata. Ajo kishte futur një sasi prej 1 kg kanabis në vagjinën e saj.
Gruaja, e quajtur Gloria C., 37 vjeç, u ankua për dhimbje stomaku dhe u tha mjekëve se ajo ishte shtatzënë dhe nuk po i degjonte më lëvizjet e foshnjës së saj. Ajo u paraqit në spitalin Ruben Lenero në kryeqytetin meksikan, Mexico City.
Kur mjekët nuk mundën të dëgjonin rrahjet e zemrës së ‘fëmijës’ së Gloria, 37 vjeç, ata e dërguan atë në maternitet për ta operuar.
Ndërsa po bënin punën e tyre, kirurgët thuhet se gjetën së paku një kilogram kanabis në vaginë dhe në barkun e saj, dhe nuk kishte fëmijë.
Mjeku përgjegjës për operacionin, Lourdes Yanez, nxori të gjithë kanabisin nga trupi i Gloria dhe ia dorëzoi atë Ministrisë Publike, sipas raporteve.
Gruaja u arrestua dhe u dërgua në një gjykatë për t’iu përgjigjur “krimeve kundër shëndetit”, por në një kthesë gjyqtari argumentoi se ndalimi i saj nuk ishte i ligjshëm dhe për këtë arsye ajo u lejua të ishte e lirë. Zyrtarët e Prokurorisë së Shtetit u thanë gazetarëve se do të vazhdojnë hetimi i rastit dhe shpresojnë ta thërrasin gruan përsëri në gjykatë.
Gloria thuhet se është shpallur fajtor për të njëjtin krimin edhe në vitin 2010 dhe 2015.
Ajo u tha autoriteteve se ajo jetonte në Ixtapaluca, një qytet në shtetin e Meksikës, por ajo nuk pranoi të tregonte se prej nga e merrte drogën.
Burimi: Daily Mail
Përktheu: Tirana Today
