Trejsi Sejdini ka përforcuar mbrëmë në gjysmëfinalen e Miss Universe. Bukuroshja shqiptare edhe një herë ka arritur të marrë vëmendje me reagimin e saj gjatë momenti kur është ngjitur në skenë.
Miss Shqipëria Trejsi Sejdini, ishte në qendër të vëmendjes pasi është kapur në një moment duke vallëzuar dhe duke bërë me duar simbolin e shqiponjës.
Në mënyrë të veçantë, kur bukuroshet e tjera përshëndetnin publikun, përfaqësuesja e Shqipërisë fillon të lëvizë trupin sipas ritmit të muzikës.
Duke parë këtë moment, shumë shikues kanë shprehur interes për Miss Shqipërinë. Trejsi Sejdini është konsideruar si konkurrentja më nxehtë e Miss Universe 2018.
Megjithatë, që nga fillimi e deri më sot, ajo ka qenë në faqet e para të mediave prestigjioze ndërkombëtare ku vlerësohet si pretendentia për të rrëmbyer kurorën e Miss Universe. Nata gjysmëfinale e Miss Universe 2018 u mbajt në Tajlandë, ku po marrin pjesë 94 bukuroshe nga e gjithë bota./TIRANA TODAY/
