Rënia e flokëve është një shqetësim i madh, sidomos për femrat.
Sidomos në vjeshtë, pothuajse të gjitha femrat alarmohen nga rënia më e madhe e flokëve. Sigurisht, këtu ndikon edhe mënyra e jetesës, e sidomos e të ushqyerit.
Megjithatë, ka disa ushqime që ju ndihmojnë në forcimin e flokëve, duke shmangur disi rënien e tyre.
Ja cilat janë ato:
Mjalti – Trajtimi i skalpit të kokës me mjaltë përmirëson pamjen e flokëve të dobësuar.
Salmoni – Floku është fibër proteinike, pra duhet të hahen proteina për ta mbajtur atë të fortë, por edhe për të prodhuar keratinë. Salmoni ndihmon në përmirësimin e shëndetit të flokëve falë vitaminave dhe acideve yndyrore Omega-3.
Spinaqi – Përgjithësisht, femrat që kanë probleme me rënien e flokëve, kanë edhe nivele të ulta hekuri dhe vitamine D2. Spinaqi është i pasur me hekur dhe vitaminë C, që ndihmon në thithjen e hekurit.
Arrat dhe farat – Omega-3, Omega-6 dhe antioksidantët që përmbajnë arrat dhe farat bimore janë shumë të rëndësishme për shëndetin e flokëve, prandaj konsumojini ato rregullisht.
