Nënkryetari i Këshillit Bashkiak Dorian Teliti, shprehet se ‘de facto’ dhe ‘de jure’, Bashkia e Tiranës drejtohet nga dy kryebashkiakë, Erion Veliaj që është në burg dhe kryeministri Edi Rama, që në fakt vetëm sa ka marrë kompetenca që nuk i takojnë sipas Telitit.
I ftuar në një studio televizive përmes një lidhje me skype nën moderimin e Edvin Parrucës, Teliti tha se kryebashkiaku Erion Veliaj ‘po zgjohet’ tashmë dhe e ka kuptuar se nga I ka ardhur e gjithë problematika në të cilën ndodhet.
Sipas Telitit, Veliaj e ka kuptuar që lufta e brendshme e PS, i ka ngrënë kokën politike dhe vitet e jetës, ndërsa shtoi se kjo luftë, është tregues i qartë i modelit qeverisës të drejtimit të Tiranës dhe Shqipërisë.
Rama mori kompetencat de facto të kryetarit të Bashkisë së Tiranës. Erion Veliaj po zgjohet tashmë dhe po e ka kuptuar se nga i ka ardhur kjo problematikë. E ka kuptuar që lufta e brendshme i ka ngrënë kokën politike dhe vitet e jetës, po ngre zërin kurndër një luftë të fortësh, lufte politike brenda PS, që është treguesi më i qartë i modelit qeverisës ku drejtohet Tirana e Shqipëria. Sot kemi 2 kryetrarë Bashkie, Ramën e Veliajn në qeli, dy nënkryetarë bashkie, një amulli që se kishim parë e dëgjuar.
Këshilli bashkiak nuk mblidhet, zero informacion, mazhoranca bën uzurpimin me dhunën e kartonit dhe se bën mbledhjen e këshillit bashkiak. Kryetari de facto apo ai de jure, jemi në një situatë absurde, edhe ne këshilltarët s’dimë të themi kush është në zyrë të kryetarit, kujt do t’i drejtohemi ne. Në mëngjes flasim për integrim evropian, dhe në drekë e darkë flasim ndryshe.
Ka një luftë të brendshme që s’është lufta e opozitës. Lufta jonë është ta bëjmë Tiranën të jetueshme, me ajër të pastër, me infrastrukturën e duhur, me shkolla e çerdhe. Fatkeqësi për Tiranën, po diskutohen kush të mbajë çelësat e bashkisë, po zihen brenda grupit. Na kanë parë sytë dhe veshët skandale më të ndryshme, por të dublohen brenda 1 institucioni dhe një grupi politik, do të thotë që zullumet e tyre janë aq të mëdha sa imagjinata jonë s’arrin dot t’i imagjinojë e kuantifikojë.
