Nga ana e policisë është bërë i mundur identifikimi i viktimës dhe autorit, të vrasjes që tronditi mbrëmë qytetin e Korçës. Mësohet se viktima është Altin Balliu, 30-vjeç, banues në Slabinjë të Pogradecit.
Dyshohet se i riu është qëlluar, pasi kishte dalë nga një lokal ku ishte konfliktuar fizikisht me disa persona të tjerë. Të njëjtat burime shtojnë se është identifikuar edhe autori, por emri i tij nuk bëhet me dije për arsye hetimi, ndërsa po punohet për kapjen e tij.
30-vjeçari është qëlluar me plumb në syrin e majtë. Trupi i pajetë u gjet brenda një automjeti, në lagjen 10 të qytetit, që njihet ndryshe si lagjja e “Francezëve”.
