Shqipëria u mposht me rezultatin 0-4 në “Loro Boriçi” ndaj Skocisë. Dje ishte në një mbrëmje për t’u harruar. Por pavarësisht disfatës, tifozët shqiptarë nuk ndaluan së përkrahuri Kombëtaren. “Plisat” janë një ndër tifogrupet me besnike të kuqezinjve. Edhe në ndeshjen e djeshme, nuk munguan mesazhet e forta për bashkimin e Kosovës me Shqipërinë.
“Vitet kalojnë dhe vdekja do të arrijë, por eshtrat e mi do të kenë qetësi vetëm kur Kosova, me paqe a stuhi do t’i bashkohet nenës Shqipëri”. Kështu shkruhej në banderolën e shpalosur nga “Plisat” në fillimin e ndeshjes Shqipëri-Skoci.
