Atmosfera te skuadra e Tiranës në prag të derbit nuk duket aspak e qetë. Ishte e qartë që para pak ditësh se marrëdhëniet mes Ernado Karabecit dhe trajnerit Ze Maria nuk ishin aspak të mira dhe duket se tashmë situata është përshkallëzuar.
30-vjeçari nuk është preferuar sërish në formacion, por ndryshe nga takimet e tjera, lojtari nuk do të jetë as në stol. Një vendim i çuditshëm nga numri një i stolit. Duket se situata mes tyre në dhomat e zhveshjes nuk ka qenë e qetë dhe trajneri është detyruar të marrë këtë vendim.
Ende nuk ka asgjë zyrtare, pasi nuk janë publikuar 18-shet e ekipeve, por lajmi bëhet i ditur nga Supersport. Në rast se diçka e tillë është e vërtetë, atëherë zyrtarisht te Tirana ka një tjetër çështje tjetër të madhe, pasi kapiteni nuk preferohet as në stol. Në këtë rast, trajneri Ze Maria kërkon të vendosë personalitetin e tij në vend dhe të jetë i paprekshëm.
Duke iu referuar të njëjtit burim, presidenti Refik Halili ka vendosur premio për ekipin e tij. Ai dëshiron të mbyllë ecurinë negative në derbi prej 13 ndeshjesh pa fitore, prandaj kërkon të motivojë dhe ndrysh lojtarët e tij. Derbi ka nisur menjëherë me “zjarr”, ky takim premton shumë.
