Milani mposhti Genoan të mërkurën në mbrëmje me një gol të shënuar në sekondën e fundit nga Rommagnoli. Kuqezinjtë kishin kaluar në avantazh që në fillim të ndeshjes me Suso, por më pas gjërat u ndërlikuan.
Në përfundim të ndeshjes trajneri Gattuso nuk është kursyer aspak ndaj futbollistëve të tij. Ai ka përdorur një shprehje të Vitorio Sgarb, kritik arti i njohur italian, i cili shpesh është i ftuar në studio televizive.
“Kessie është një dhi. Duhet të kishte qëndruar më brenda fushës dhe duhet të kishte ndihmuar më shumë Suson.”, u shpreh tekniku. Kessie ishte gjithashtu në lidhje direkte dhe nuk i mirëpriti këto fjalë, të paktën nga mimika.
